Аб тым, што Якаву Арцёмавічу Гацку споўнілася 105 гадоў, нам паведаміла старшыня раённай арганізацыі Беларускага грамадскага аб’яднання ветэранаў Любоў Дзяркач. З ёй, а таксама з дырэктарам тэрытарыяльнага цэнтра сацыяльнага обслугоўвання насельніцтва Сяргеем Пархамцом, прадстаўнікамі Малажынскага сельскага Савета і мясцовай гаспадаркі мы і наведалі юбіляра.
Хаця жыццё ўжо ўзяло адлік на другое стагоддзе, гаспадара засталі за прыгатаваннем абеду. Аслабла здароўе, але што па сілах – стараецца рабіць сам.
Няма ў доўгажыхара асаблівых рэцэптаў. “Гарэлкай не захапляўся, тытунем – таксама. Вось і дажыў да такого сталага веку”, – робіць вывад Якаў Арцёмавіч. Жыццё было нялёгкім, не шкадавала. Падчас вайны пабыў і вязнем, і воінам-вызваліцелем. А пасля – праца, для якой не шкадаваў сіл. Зараз жа ні на што не скардзіцца, і ні ў чым не адчувае недахопу, жадаючы ўсім доўгіх год шчасця.
Галіна ШАЎЧЭНКА
Фота аўтара