Юнакі ў чырвоных майках з эмблемай БРСМ, якіх можна было заўважыць у мінулую пятніцу на сельскагаспадарчым кірмашы, – гэта валанцёры атрада “Добрае сэрца”. Школьнікі прапаноўвалі сваю дапамогу пакупнікам паважанага ўзросту.
Як паведаміла в.а. першага сакратара РК ГА “БРСМ” Юлія Сапега, традыцыйна акцыя праходзіць напярэдадні Дня пажылых людзей. Яе мэта – прыцягненне ўвагі моладзі да праблем бабуль і дзядуль. У гэтыя дні валанцёры наведваюць адзінокіх людзей сталага ўзросту, ветэранаў вайны і працы, якім часцей за ўсё патрэбна не столькі дапамога па гаспадарцы, як маральная падтрымка і душэўная размова.
