Асноўная ідэя мерапрыемства заключалася ў далучэнні да спрадвечных славянскіх традыцый і звычаяў, а таксама ў захаванні і папулярызацыі нацыянальных асаблівасцей беларускага народа.
У жывапісным месцы на беразе Дняпра сабраліся не толькі камарынцы, але і жыхары з усяго раёна. Для гасцей свята быў арганізаваны канцэрт вакальнага ансамбля «Разгары» (г. Гомель) і самадзейных калектываў і выканаўцаў раёна. Кожны з прысутных мог прыняць удзел у купальскіх абрадах, ігрышчах і карагодах.
Акрамя гэтага, недалёка ад месца святкавання разгарнуліся спартыўныя спаборніцтвы па валейболе, працавалі гандлёвыя рады, а для дзяцей – атракцыёны.
У начной праграме таксама было шмат цікавага – вялікае купальскае вогнішча, прыгожы феерверк і дыскатэка з сучасных і рэтра-хітоў амаль да раніцы.