З 1 да 24 жніўня 20 юных жыхароў райцэнтра наведвалі дзіцячы лагер “Курсан-ТЫ”

Грамадства Спорт

Яго арганізатарамі з’яўляюцца РК ГА “БРСМ” і Брагінская СШ.

IMG_2481

Як расказала першы сакратар РК ГА “БРСМ” Юлія Сапега, для дзяцей была падрыхтавана цікавая і насычаная праграма. Аб гэтым паклапаціліся прадстаўнікі многіх арганізацый. Так, у рамках азнаямляльных экскурсій падлеткі наведалі раённы аддзел па надзвычайных сітуацыях, міліцыю, суд, пракуратуру, пагранзаставу, цэх хлебабулачных вырабаў, дзіцячае аддзяленне цэнтральнай раённай бібліятэкі, раённую арганізацыю Беларускага Чырвонага Крыжа і інш. Кожны дзень хлопчыкаў і дзяўчынак пачынаўся са спартыўных заняткаў, якія праводзіліся ў ДЮСШ.

Вядома, дзеці як губка, убіраюць ў сябе ўсё, што іх акружае. Таму першапачатковая задача арганізатараў лагера – накіраваць энергію падлеткаў у карысным накірунку.

Асабліва шмат пазітыўных эмоцый падарыла дзецям сустрэча са старшынёй Гомельскай абласной дабрачыннай грамадскай арганізацыі “Лепшы шлях” Юрыем Куніцкім і трэнерам Андрэем Харэцкім, які дапамог хлопчыкам і дзяўчынкам асвоіць асноўныя этапы турысцкай паласы перашкод.

У парку “30 год Перамогі” былі нацягнуты вяроўкі, па якіх патрэбна было прайсці, утрымліваючы раўнавагу, ці падняцца высока на дрэва з дапамогай спецыяльнай амуніцыі. Нягледзячы на складанасць некаторых этапаў, юныя турысты з вялікім азартам браліся за справу і тыя, хто паспяхова справіўся з задачай, атрымалі падарункі. Імкнуліся дружна і зладжана дзейнічаць дзеці і падчас спартыўных эстафет.

IMG_2485IMG_2484IMG_2486IMG_2489IMG_2498IMG_2500IMG_2505IMG_2508IMG_2513IMG_2515IMG_2518IMG_2522IMG_2524IMG_2525 IMG_2531 IMG_2536 IMG_2617 IMG_2581 IMG_2576 IMG_2570 IMG_2566 IMG_2562 IMG_2556 IMG_2543 IMG_2540 IMG_2677 IMG_2657 IMG_2653 IMG_2646 IMG_2642 IMG_2640 IMG_2637 IMG_2636 IMG_2629IMG_2680 IMG_2773 IMG_2765 IMG_2756 IMG_2750 IMG_2734 IMG_2720 IMG_2719 IMG_2717 IMG_2709IMG_2743 IMG_2707 IMG_2701 IMG_2698 IMG_2694 IMG_2691 IMG_2690 IMG_2688 IMG_2686

Хлопчыкі і дзяўчынкі атрымалі зарад энергіі, а ў арганізатараў мерапрыемства засталіся прыемныя ўспаміны пра дзіцячыя ўсмешкі, іх шчаслівыя вочы і маляўнічы куточак прыроды ў цэнтры Брагіна.



Добавить комментарий

Ваш e-mail не будет опубликован. Обязательные поля помечены *