Умацоўваць аграрны сектар

Официально

Пытанняў да СЕЛЬГАСВЫТВОРЦАЎ заўсёды шмат. І гэта невыпадкова: на палях і фермах працуюць людзі, ад якіх залежыць умацаванне эканомікі раёна, падмурак стабільнасці і дабрабыту. А восеньскія клопаты вызначаюцца яшчэ і тым, што цёплыя дні даюць магчымасць нешта паправіць, ухіліць недапрацоўкі, арганізаваць работу там, дзе ёсць адставанне. “Ёсць пралікі ў нарыхтоўцы кармоў, не ўсе адказна ставяцца да падрыхтоўкі жывёлагадоўчых памяшканняў, сітуацыя з надоямі і паморкам жывёлы таксама крытычная”, – пачаў з заўваг апаратную нараду старшыня раённага выканаўчага камітэта Аляксандр Кохан. Была заслухана справаздача намесніка начальніка ўпраўлення сельскай гаспадаркі і харчавання Уладзіміра Сніцарэнкі аб падрыхтоўцы да зімы ў ААТ “Імя Жукава”. Чаму не ўсё зроблена, чаму гінуць цяляты і зніжаецца вытворчасць малака, давялося тлумачыць намесніку дырэктара таварыства Уладзіміру Прусянку. “Гаспадарка страчвае свае пазіцыі, тут не выкарыстоўваюцца ўсе магчымасці, каб дасягнуць даведзеных паказчыкаў”, – канстатаваў Аляксандр Кохан. На выпраўленне сітуацыі адведзена дзесяць дзён. Але трэба ўсведамляць: адзначаныя недахопы характэрныя і для іншых гаспадарак. Таму дэталёвы аналіз будзе праведзены ў кожным ААТ.

МАБІЛЬНАЯ ГРУПА райвыканкама наведала аб’екты культуры. Не ўсё ў парадку і тут. Патрабуюць рамонту Малажынскі цэнтр культуры і вольнага часу, Сялецкая бібліятэка-клуб, – адзначыў начальнік аддзела ідэалагічнай работы, культуры і па справах моладзі Сяргей Даўгулявец.

Па інфармацыі намесніка начальніка РАНС Віктара Цімоніна, за ты-дзень да пяці асоб прыменены меры адміністрацыйнага ўздзеяння – скла-дзены пратаколы. Грамадзяне займаліся выпальваннем сухой расліннасці. Віктар Віктаравіч яшчэ раз нагадаў аб неабходнасці выканання супрацьпажарных патрабаванняў. Датычыць гэта і ААТ – сцірты саломы, кармасховішчы павінны быць абпаханы.
Узбуджана пяць крымінальных спраў – давёў да ведама прысутных часова выконваючы абавязкі пасады начальніка РАУС Мікалай Якунін. З іх дзве звязаны з крадзяжамі ўласнай маёмасці, адна – з махлярствам у сетцы інтэрнэт. “Не будзьце залішне даверлівымі, не пералічвайце грошы, нават калі чалавек, што піша, здаецца вам добра знаёмым ці звяртаецца да вас з акаунта родных і блізкіх. Махляры “ўзламваюць” чужыя старонкі, аналізуюць перапіску, просяць у тых, хто ў сяброўскіх адносінах, пэўныя грашовыя сумы, часам немалыя. І на іх просьбы адклікаюцца, сродкі пералічваюць. Пераправерце кожную такую просьбу, патэлефануйце, пагаварыце з чалавекам – і толькі потым спяшайцеся на дапамогу”, – яшчэ раз перасцярог Мікалай Мікалаевіч.

Аб’яўлены МЕСЯЧНІК ПА ДОБРАЎ-ПАРАДКАВАННІ. Ён павінен стаць сапраўды масавым. Патрэбна навесці парадак у населеных пунктах і вакол іх, заняцца азеляненнем. Вызначыць месцы, арганізаваць дастаўку саджанцаў, правесці суботнікі – задача адпаведных служб.

На апаратнай нарадзе разгледжаны таксама пытанні якасці пітной вады, выкарыстання спартыўных аб’ектаў, землеўпарадкавання, бяспекі на мяжы.

Галіна ШАЎЧЭНКА



Добавить комментарий

Ваш e-mail не будет опубликован. Обязательные поля помечены *