Мінпрацы ў 2020 годзе пачне падрыхтоўку праекта ўказа па ўкараненні электронных працоўных кніжак

Важное Грамадства


Міністэрства працы і сацабароны плануе ў 2020 годзе пачаць падрыхтоўку праекта нарматыўна-прававога акта па ўкараненні электронных працоўных кніжак. Аб гэтым у інтэрв’ю тэлеканалу «Беларусь 1» паведаміла міністр працы і сацыяльнай абароны Ірына Касцевіч.

Міністр адзначыла, што лічбавізацыя непазбежна закране і сферу адносін, аднак для гэтага патрабуецца сур’ёзная распрацоўка нарматыўна-прававых актаў.

«У бягучым годзе, у трэцім квартале, мы папрасілі ўжо суб’ектаў гаспадарання прадаставіць інфармацыю па прыёме/звальненнях. Гэтым крокам мы ахапілі каля 10 працэнтаў занятых у эканоміцы (альбо застрахаваных) грамадзян. Складанасць была ў тым, што давялося кадзіраваць гэту інфармацыю», — расказала Ірына Касцевіч.

«Наступны крок, які мы вызначылі на 2020 год, — гэта падрыхтоўка праекта ўказа (нарматыўна-прававога акта), у якім будуць распісаны крокі, этапы па ўкараненні ўліку працоўнай дзейнасці ў электронным выглядзе», — паведаміла кіраўнік Мінпрацы.

БелТА



Добавить комментарий

Ваш e-mail не будет опубликован. Обязательные поля помечены *