За першыя дванаццаць дзён новага года, як паведамілі ў раённым аддзеле па надзвычайных сітуацыях, выратавальнікі тройчы выязджалі на тушэнне ўзгаранняў. Першае з іх здарылася шостага студзеня ў Брагіне па вуліцы Зіновіча: агонь пашкодзіў драўляную перагародку ў жылым доме. Да гэтага прывяло парушэнне правілаў устройства ацяпляльнай печы.
Другі інцыдэнт адбыўся 11 студзеня па вуліцы Леніна ў Камарыне: згарэў штабель драўляных адыходаў на плошчы 1 м 2. Прычына здарэння высвятляецца.
А на наступны дзень па вуліцы Савецкай у Брагіне ўспыхнуў легкавы аўтамабіль “BMW”. Па ўсёй верагоднасці, у выніку падпалу. Пашкоджаны маторны адсек і салон транспартнага сродку.
Падрыхтавала Валянціна БЕЛЬЧАНКА