Асноўнымі тэмамі Усебеларускага народнага сходу стануць Канстытуцыя і эканоміка

Официально Усебеларускі народны сход

Асноўнымі тэмамі Усебеларускага народнага сходу стануць канстытуцыйныя змяненні і пытанні сацыяльна-эканамічнага блока. Такое меркаванне выказаў намеснік старшыні Гродзенскага аблвыканкама Віктар Пранюк у час работы грамадскай прыёмнай па зборы прапаноў па актуальных пытаннях развіцця краіны і рэгіёнаў.

Віктар Пранюк прыняў удзел у рабоце грамадскай прыёмнай абласной арганізацыі РГА «Белая Русь». Ён паведаміў, што ў рэгіёне прадаўжаецца работа і грамадскіх прыёмных, і дыялогавых пляцовак.

«Яны праходзяць у розных фарматах, напрыклад, у выглядзе круглых сталоў. У Шчучынскім раёне, у прыватнасці, з удзелам усіх зацікаўленых распрацоўваюць канцэпцыю развіцця раёна», — расказаў Віктар Пранюк.

Ён падкрэсліў, што дыялогавыя пляцоўкі з сярэдзіны снежня прадоўжаць работу і на ўзроўні вобласці. Іх фармат будзе залежаць ад эпідэміялагічнай сітуацыі.

З усімі прапановамі, якія паступілі ад жыхароў рэгіёна, працуюць эксперты. Ініцыятывы ад рэгіёна будуць разгледжаны на рэспубліканскім узроўні, у тым ліку іх прадставяць для абмеркавання на Усебеларускім народным сходзе.

«Думаю, на шостым Усебеларускім народным сходзе асноўная ўвага будзе ўдзелена двум самым важным пытанням — канстытуцыйным змяненням, а таксама вынікам і прагнозу сацыяльна-эканамічнага развіцця краіны. Мы ўступаем у новую пяцігодку і важна дакладна ўяўляць, як будзе развівацца краіна. Яе будучыня залежыць шмат у чым ад таго, як спрацуюць прадпрыемствы, як будзе развівацца бізнес, якім складзецца інвестыцыйны клімат», — растлумачыў Віктар Пранюк.

Паводле яго слоў, працягам дыялогу можна назваць і грамадскія прыёмныя, і прамыя лініі, арганізаваныя ў гэтых прыёмных. Такі фармат дае магчымасць выказацца тым людзям, хто асабіста не змог прыняць удзел у рабоце дыялогавых пляцовак. Звярнуцца можа любы жадаючы і па любой хвалюючай яго тэме.

«Часта сюды паступаюць пытанні і лакальнага, жыццёвага ўзроўню. Прамая сувязь дае магчымасць чыноўнікам рознага ўзроўню аператыўна прымаць рашэнні для дапамогі грамадзянам», — дадаў Віктар Пранюк.

Ён падкрэсліў, што ніводны зварот не застанецца без увагі. Сёння, напрыклад, узнімалі пытанні жыллёвага будаўніцтва, функцыянавання сістэмы ЖКГ, а таксама звязаныя з асабістым камфортам людзей. У прыватнасці, жыхары адной з вёсак пад Гроднам папрасілі садзейнічання ў будаўніцтве перахода праз чыгуначныя пуці. Пытанне разгледзяць дадаткова.

БелТА



Добавить комментарий

Ваш e-mail не будет опубликован. Обязательные поля помечены *