ААТ “Брагінскі”, здаецца, зусім нядаўна славіўся высокімі намалотамі і значнымі прывагамі. Яго працаўнікоў ушаноўвалі па выніках не толькі раённага, але і абласнога, рэспубліканскага спаборніцтваў. Памятаю, якое нежартоўнае працоўнае супрацьстаянне ў свой час ішло паміж “Брагінскім” і “Чамярыскім”.
Я не пішу, што ўсё гэта – у мінулым. Веру: у працаўнікоў і ў гаспадаркі – паспяховая будучыня. На справаздачным сходзе аналізаваліся пралікі, вызначаліся перспектывы і арыенціры, складальнікі поспеху. А яны ўсім вядомыя: захаванне тэхналогій, працоўная дысцыпліна і адказнасць за даручаны ўчастак.
Аб гэтым гаварылі і кіраўнік гаспадаркі Аляксей Катлабай, і спецыялісты, і старшыня райкама прафсаюза работнікаў АПК Валянціна Дзегцярэнка.
