Юныя мастакі Брагіншчыны прынялі ўдзел у Міжнародным конкурсе “Прыгажосць Божага свету”

Год народнага адзінства Грамадства

Штогод юныя мастакі Брагіншчыны прымаюць актыўны ўдзел у Міжнародным конкурсе дзіцячай творчасці “Прыгажосць Божага свету”, папаўняючы скарбонку ўзнагарод новымі дыпломамі і граматамі.

Сёлета на раённы этап конкурсу было прадстаўлена больш за 30 работ, у якіх дзеці адлюстравалі духоўны свет Беларусі, яе храмы, прыгажосць прыроды. Адказнымі за правядзенне творчага спаборніцтва выступілі настаяцель храма свяціцеля Мікалая Цудатворца протаіерэй Уладзімір і Брагінскі цэнтр творчасці дзяцей і моладзі.

– Гэты конкурс вельмі папулярны сярод дзяцей нашага раёна, – паведаміла метадыст цэнтра Наталля ФУРС. – Ён арыентаваны як на выяўленне мастацкіх талентаў, так і на духоўна-маральнае выхаванне падрастаючага пакалення, павышэнне цікавасці школьнікаў да праваслаўнай культуры і гісторыі роднага краю.

Работы-пераможцы накіраваны ў аддзел рэлігійнай адукацыі і катэхізацыі Тураўскай епархіі для ўдзелу ў абласным этапе.

Чакаем новых узнагарод!

 

Вольга ПАЛЯШЧУК



Добавить комментарий

Ваш e-mail не будет опубликован. Обязательные поля помечены *