Зараз гэта добраўпарадкаваная тэрыторыя з дарожкамі, альтанкамі і лавамі, зялёнымі насаджэннямі і штучным вадаёмам так і запрашае да адпачынку.
Тут жа размясціліся яркая гульнявая зона і амфітэатр. А вучні мясцовай школы, гімназіі штодня праходзяць паўз Алею Славы. Невыпадкова гэты элемент добраўпарадкавання размясцілі менавіта на іх шляху. Падрастаючае пакаленне і моладзь павінны ведаць сваіх папярэднікаў, якія ў розныя жыццёвыя перыяды праявілі гераізм, пакінулі добры след на роднай зямлі, праславілі малую радзіму. У гонар Герояў Савецкага Саюза і Герояў Сацыялістычнай Працы – ураджэнцаў Брагіншчыны – усталяваны трынаццаць стэл.