Ён сабраў маладых і таленавітых прадстаўнікоў Хойніцкага, Брагінскага, Рэчыцкага і Лоеўскага раёнаў. Конкурс стаў пляцоўкай для прэзентацыі наватарскіх ідэй у розных сферах: ад экалогіі і сацыяльнай сферы да прамысловых тэхналогій і інавацый у адукацыі.
Ацэньвала праекты кампетэнтнае журы, у склад якога ўвайшлі першы сакратар Гомельскага абласнога камітэта БРСМ Ігар Назарчук, намеснік старшыні Брагінскага райвыканкама Раман Цеслянок, першы сакратар райкама БРСМ Таццяна Цалуйка і настаўнік працоўнага навучання Вуглоўскай СШ, кіраўнік валанцёрскага атрада «Добрае сэрца» Аліна Заяц.
– Моладзь Гомельшчыны дэманструе высокі ўзровень зацікаўленасці ў развіцці рэгіёна і краіны ў цэлым. Яе ідэі сведчаць аб інавацыйным падыходзе да вырашэння актуальных праблем, – зазначыў Ігар Назарчук.
Брагінскі раён прадставіла Ангеліна Махнач з праектам па стварэнні лакальных комплексаў па перапрацоўцы арганічных адыходаў у біягаз і ўгнаенні.
– Кожная з прадстаўленых ідэй заслугоўвае ўвагі. Мы бачым, што моладзь нацэлена на інавацыі, праяўляе зацікаўленасць у развіцці сваіх рэгіёнаў, захаванні гісторыі і беражлівым стаўленні да прыродных рэсурсаў, – падкрэсліў Раман Міхайлавіч.
Усе ўдзельнікі атрымалі каштоўныя парады і падтрымку ад экспертаў.
– Асабліва парадавала ўвага канкурсантаў да сацыяльных праектаў і праблем навучання дзяцей з асаблівасцямі псіхафізічнга развіцця. Гэта сведчыць аб высокім узроўні сацыяльнай адказнасці нашай моладзі, – падкрэсліла Аліна Заяц.
Па выніках конкурсу, на абласным этапе «100 ідэй для Беларусі» свае праекты прадставяць Віта Шкроб і Арсеній Фролкін з Рэчыцкага раёна, а таксама Дзмітрый Баброў з Хойніцкага раёна.
– Конкурс працягвае заставацца важнай платформай для падтрымкі і прасоўвання моладзёжных інавацыйных праектаў і навукова-тэхнічных распрацовак, – падвяла вынік Таццяна Цалуйка.
Самыя цікавыя і важныя навіны шукайце ў нашых сацыяльных сетках: TikTok, Instagram, VK, Одноклассники, Telegram, Facebook.
