У рамках гэтай рэспубліканскай дабрачыннай акцыі дзіцячае аддзяленне раённай бальніцы напоўнілася атмасферай чараўніцтва і радасці. Прыбраная ёлка, бліскучыя цацкі і мішура – аб адпаведным афармленні паклапаціўся працоўны калектыў.
Напярэдадні навагодняга свята сюды завіталі намеснік старшыні райвыканкама Раман Цеслянок і прадстаўнікі аддзела ідэалагічнай работы і па справах моладзі, каб павіншаваць юных пацыентаў.
Сустрэча атрымалася цёплай і душэўнай. Дзеці падрыхтавалі вершы, а ў адказ атрымалі салодкія падарункі. Сюрпрызам для дзяцей стала з’яўленне казачных персанажаў – Дзеда Мароза і Снягуркі, якія разам з дзецьмі вадзілі карагоды і спявалі.
Да хлопчыкаў і дзяўчынак звярнуўся Раман Цеслянок:
– Шчыра жадаю Вам хутчэй палепшыць сваё здароўе, няхай усе мары ажыццяўляюцца.
Самыя цікавыя і важныя навіны шукайце ў нашых сацыяльных сетках: TikTok, Instagram, VK, Одноклассники, Telegram, Facebook.
