Усіх, хто ўязджае ў населены пункт, з нядаўніх пор сустракае яркі арт-аб’ект «Я люблю Дублін».
Ініцыятарам стварэння такой лакацыі стаў Малажынскі сельвыканкам.
– Устаноўка арт-аб’екта – лагічны працяг курсу на добраўпарадкаванне тэрыторыі. Важна ствараць рэчы, якія радуюць вока і фарміруюць пазітыўны імідж нашага населенага пункта. Мы спадзяёмся, што наш арт-аб’ект стане не толькі прыгожым месцам для фотаздымкаў, але і сімвалам любові жыхароў да роднага месца, – адзначыў старшыня сельскага савета Дзмітрый Тамко.
