Гэты жэст стаў сімвалам сяброўства і ўзаемнай падтрымкі паміж спартсменамі двух раёнаў.
Хайнікчане не першы год наведваюць Брагін, каб разам з мясцовымі гульцамі і спартсменамі з Лоева выйсці на лёд у таварыскіх матчах. Гэтыя сустрэчы ўжо сталі добрай традыцыяй, якая не толькі павышае ўзровень спартыўнага майстэрства, але і дарыць радасць балельшчыкам.
Ідэя падарунка ўзнікла ў гасцей як знак падзякі за магчымасць гуляць на нашай пляцоўцы. Ініцыятарам жэсту стаў Васіль Васільевіч Барысенка, актыўны ўдзельнік хакейнай супольнасці Хойнік.
