Паважаныя работнікі сферы адукацыі і ветэраны педагагічнай працы! Прыміце самыя цёплыя віншаванні з прафесійным святам – Днём настаўніка!
Шчыра дзякуем усім, хто сёння забяспечвае арганізацыю вучэбнага і выхаваўчага працэсу, хто клапоціцца аб развіцці, здароўі і будучыні нашых дзяцей. Данесці да іх самае важнае і каштоўнае можа толькі чалавек з адкрытай душой, любячым сэрцам і вялікім багажом ведаў.
Ваша педагагічнае майстэрства, веды і інтэлект, імкненне да творчага пошуку, цярпенне і настойлівасць у многім вырашаюць шляхі фарміравання новай асобы, здольнай пастаянна павышаць свой адукацыйны і прафесійны ўзровень, плённа працаваць, эфектыўна і паспяхова весці справы, творча мысліць і прымаць адказныя рашэнні, садзейнічаць росквіту сваёй дзяржавы.
Няхай ніколі не знікае дабрыня і мудрасць у вашых сэрцах, не згасне агонь шчырай адданасці справе. Моцнага вам здароўя, бязмежных сіл і энергіі, міру і дабра, узаемаразумення і дабрабыту!
Сяргей КАРПЕНКА,
старшыня раённага выканаўчага камітэта
Іна МІХАЛЕНКА,
старшыня раённага Савета дэпутатаў
