Хлебаробы сцвярджаюць: дажынкі будзем святкаваць толькі тады, калі будзе ўбраны ўраджай да апошняга зерня.
Добры ўраджай зерневых вырошчваюць на сваіх прысядзібных участках вяскоўцы. Каб яго ў час убраць, хлебаробы стараюцца як мага хутчэй справіцца на палях гаспадарак і перайсці на прыватныя.
Першымі ўбралі палеткі ў КСУП “Брагінскі”. Зараз жнуць і малоцяць вясковыя надзелы ў імя Жукава, “Малажынскі”. З учарашняга дня вывелі камбайны ў КСУП “Саўгас “Камарынскі”. Плённа працуюць на вясковых надзелах і чатыры экіпажы КСУП “Чамярыскі”.
Аказвалі паслугі па абмалоту зерневых і працаўнікі ААТ “Брагінаграсэрвіс”. Не адзін тыдзень быў задзейнічаны на хлебных участках вяскоўцаў зернеўборачны камбайн “Дон-1500”. Расцэнкі невялікія – 3750 рублёў за сотку, і жадаючых убраць каласавыя на сваім участку хутчэй і без страт было нямала.