Чужога хлеба не бывае. Такой думкі прытрымліваюцца хлебаробы і выводзяць камбайны на палі гаспадарак нашага раёна.
На апошніх гектарах вядуць уборку зернебабовых і насенных участкаў хлебаробы нашага раёна. У ліку першых завяршылі жніво-2010 працаўнікі КСУП імя Жукава, “Чамярыскі”. Лічаныя гектары засталося зжаць і абмалаціць у КСУП “Брагінскі”, “Пераможнік”. А вось у КСУП “Саўгас “Камарынскі” на 6 жніўня неабходна яшчэ ўбраць крыху больш 20 гектараў, у “Брагінцы” і “Малажынскім” – па 12.
Але не да адпачынку тым, хто заканчвае жніво на сваіх хлебных нівах. Яны стараюцца прыйсці на дапамогу суседзям, каб хутчэй і без страт убраць вырашчанае. Як гавораць у народзе, чужога хлеба не бывае. Не згадзіліся на перадышку хлебаробы з КСУП імя Жукава. У гэтыя дні два камбайны працуюць на збожжавых масівах “Брагінкі”, а КСУП “Брагінскі” дапамагаў малажынцам.
Уборачная кампанія на Брагіншчыне падыйшла да завяршэння. На 6 жніўня ўбрана 92% зерневых і зернебабовых культур. Скошана 11711 гектараў, намалочана 30 690 тон, ураджайнасць складае 26,2 цэнтнера з гектара.
