Аб тым, што выбарчая кампанія ў самым разгары, сведчыць той факт, што наш раён наведалі назіральнікі ад АБСЕ Хартвіг Ханс Кабот з Германіі і Дэвід Годфрэй з Велікабрытаніі, якія ў час сустрэчы адказалі на некаторыя пытанні.
– Дэвід Годфрэй, скажыце, калі ласка, Вы з якога часу ў Беларусі?
– Мы прыехалі ў мінулую сераду. А раней я ўжо чатыры разы быў у вашай краіне: адзін раз у Гродне, Лепелі і два – у Мінску.
– Якія ўражанні ад убачанага ў нашым раёне, вобласці?
– Я ўпершыню наведваю Гомельшчыну. Вельмі чыстыя населеныя пункты, добразычлівыя, гасцінныя людзі.
– Як Беларусь выглядае на фоне Еўропы?
– Ваша краіна выглядае не горш, чым іншыя ў Еўропе, а ў многім нават лепей за некаторыя з іх , дзе я быў.
Назіральнікі засталіся задаволенымі той работай, якую праводзіць тэрытарыяльная выбарчая камісія.
Гутарыў Мікалай ЧАРНАБАЙ
