Трэці Усебеларускі народны сход адбыўся 2-3 сакавіка 2006 года. Ён зацвердзіў асноўным прынцыпам дзяржаўнага будаўніцтва ў чарговай пяцігодцы кардынальнае павышэнне якасці жыцця. Што зроблена за пяцігодку, якія змены адбыліся ў раёне?
Прасочым гэта па старонках раённай газеты.
ГОД 2004…
- Другога верасня вучні Брагінскай сярэдняй школы атрымалі новы аўтобус з надпісам “Ад Прэзідэнта Рэспублікі Беларусь”. Ад імя кіраўніка дзяржавы яго ўручыў дэпутат Палаты прадстаўнікоў Нацыянальнага сходу Рэспублікі Беларусь В.В. Кулік.
- Сумесна са Швейцарскім офісам па супрацоўніцтву ў Беларусі пачалася рэалізацыя праекта “Інфармацыйна-камунікацыйныя тэхналогіі на забруджанай радыёнуклідамі тэрыторыі”
- У ліку пераможцаў абласнога спаборніцтва па ўборцы ўраджаю зерневых культур – прадстаўнікі Брагіншчыны. Другое месца сярод маладых вадзіцеляў на адвозцы збожжа заняў Юрый Дубіна з СВК “Брагінка”.
Звыш тысячы тон зерня перавезлі Міхаіл Прыходзька (СВК “Брагінка”), Аляксандр Пінчук (Ордэна Леніна СВК “Брагінскі”). Такіх жа намалотаў дасягнулі экіпажы камбайнаў у складзе Валерыя і Дзмітрыя Барысенкаў (СВК “Буркі”, намалот — 1159 тон), Мікалая Дарошчанкі і Міхаіла Шаўчэнкі (СВК “Пераможнік”, 1123 тоны. Пераможцы адзначаны грашовымі прэміямі. - Калектыву Камарынскага гарадскога Дома культуры “Камарынская весялуха” прысвоена званне народнага.
- У сельскіх населеных пунктах раёна здадзена ў эксплуатацыю 39 аднакватэрных жылых дамоў.
- За год на добраўпарадкаванне райцэнтра выдзелена каля 6 мільярдаў рублёў.
- За 2004 прагнозныя паказчыкі выкананы раёнам на 117,4%, пры заданні 110. Вытворчасць зерня павялічылася ў параўнанні з 2001 на71%, бульбы – ў 2,3 раза, гародніны – у 2,9.
“Маяк Палесся”, 2004 год
