Дзякуючы цесным кантактам паміж аддзелам сацыяльна-культурнага абслугоўвання Камуны г. Нікеліна правінцыі Турын і ўстановай “Брагінскі тэрытарыяльны цэнтр сацыяльнага абслугоўвання насельніцтва” ў нас адкрыты інфармацыйны цэнтр. Цяпер сувязь з Італіяй ажыццяўляецца праз Інтэрнэт. Суразмоўцы не толькі добра чуюць, але і бачаць адзін аднаго.
Апошняя віртуальная сустрэча адбылася на мінулым тыдні. Начальнік аддзела адукацыі Аляксандр Калясан і дырэктар Іялчанскай школы Таццяна Нікалаенка абмеркавалі з італьянскімі партнёрамі ход рэалізацыі праекта па здаровым харчаванні дзяцей. Дамовіліся, што ў далейшым на сувязь будуць выходзіць два разы ў месяц, каб аператыўна вырашаць пытанні.