Галоўнае ўпраўленне ідэалагічнай работы Гомельскага аблвыканкама ўзнагародзіла дыпломам І ступені дзяржаўную ўстанову “Рэдакцыя газеты “Маяк Палесся” (праграму радыёвяшчання “Голас Брагіншчыны”), пераможцу абласнога творчага конкурсу сярод рэгіянальных электронных СМІ. У гэтым заслуга рэдактара раённага радыё Ніны Сінілавай, якая працуе на гэтай пасадзе дзясяты год.
Галоўныя прыярытэты яе работы – аператыўнасць, актуальнасць і аб’ектыўнасць. Высокі прафесіяналізм, “нюх” на цікавыя тэмы, самаадданасць творчасці, вопыт – усё гэта для таго, каб дайсці да кожнага слухача. Ніна Міхайлаўна расказвае пра галоўныя навіны рэгіёна, дзейнасць прадпрыемстваў і арганізацый, цікавых жыхароў, дае парады. Адным словам, падымае настрой і дорыць хвіліны радасці. Менавіта таму “Голас Брагіншчыны” паважаны сярод насельніцтва, папулярны сродак масавай інфармацыі. Калектыў рэдакцыі газеты “Маяк Палесся”, аддзел ідэалагічнай работы райвыканкама віншуюць праграму радыёвяшчання “Голас Брагіншчыны” і яе рэдактара Ніну Сінілаву з перамогай і жадаюць моцнага здароўя і новых творчых здзяйсненняў.
Мікалай ЧАРНАБАЙ