Чарговы сельскагаспадарчы кірмаш прайшоў у мінулую суботу ў Брагіне. Сваю прадукцыю рэалізоўвалі КСУПы раёна і райспажыўтаварыства. Брагінчане, якія дагэтуль не паспелі запасціся на зіму бульбай, цыбуляй, капустай ці морквай, выбіралі, што прыйшлося да густу.
А асартымент быў досыць шырокі: гародніна, садавіна, кармы для жывёлы, крупы. Ды і цэны не “кусаліся”. На такіх кірмашах яны заўсёды ніжэй рыначных. Дарэчы, самы бойкі гандаль ішоў каля машыны са свежай рыбай, якую прывёз КСУП “Саўгас “Камарынскі”.
