Упраўленне адукацыі Гомельскага аблвыканкама падвяло вынікі трэцяга этапу рэспубліканскай алімпіяды школьнікаў, які праходзіў з 14 па 18 студзеня. Пры гэтым адзначана станоўчая дынаміка выступлення старшакласнікаў з Брагінскага раёна. Яны сталі ўладальнікамі чатырох дыпломаў.
Першае месца ў абласной алімпіядзе па беларускай мове і літаратуры заваявала вучаніца Камарынскай сярэдняй школы Ксенія Піляк, падрыхтоўкай якой займалася Марыя Адамаўна Музыкіна, трэцяе – Марыя Прахарэнка з Хракавіцкай СШ (настаўніца – Зоя Анатольеўна Сапоненка). “Сярэбраная” ўзнагарода ў матэматычным спаборніцтве апынулася ў руках Іллі Малочкі (Вуглоўская СШ, настаўніца – Ірына Уладзіміраўна Малочка). Дыплом трэцяй ступені ў алімпіядзе па нямецкай мове атрымала гімназістка Віялета Бельчанка (настаўніца – Алена Дзмітрыеўна Харко).
Поруч з Гомельскім, Петрыкаўскім і Буда-Кашалёўскім раёнамі Брагінскі названы ў ліку тых, дзе адзначаецца найбольшая колькасць пераможцаў сярод сельскіх школьнікаў.
Валянціна БЕЛЬЧАНКА