Футбалісты «Гомеля»: як пад Грунвальдам

Спорт

Gomel-0Футбалісты «Гомеля»  прынялі ўдзел у фотасесіі, прысвечанай 603-й гадавіне Грундвальской бітвы. Іх пераапранулі ў рыцарскія даспехі тых часоў.

«Нават недасведчанаму ў футболе чалавеку будзе зразумела, што матч супраць мінскага «Дынама» мае асаблівы падтэкст. На шчасце, нам не прыйшлося доўга разважаць, як абыграць гэты матч у мультымедыйным сэнсе. 15 ліпеня, але праўда 1410 года, адбылася бітва, вядомая амаль кожнаму беларусу — бітва пад Грунвальдам ці Грунвальдская бітва. Чым не падстава для арыгінальнай задумы? На зялёнай траве «Цэнтральнага» тры мужныя гомельскiя рыцары перамаглі сваіх сапернікаў у імправізаванай бітве. Gomel-00Хочам адразу засяродзіць вашую ўвагу на тым, што рэквізіт для здымкаў не бутафорскі, а адпавядае ўзорам таго часу — даспехам і зброі часоў Бітвы. Хіба што накідка з літарай «Д» з нашых дзён :). Натуральна, футбалістаў, якія жадалі сфатаграфавацца было дастаткова. У выніку выбралі адміністрацыйным рэсурсам і абралі Паўла Кірыльчыка, Ягоры Хаткевіча і Антона Мацвеенку. Варта падзякаваць галоўнаму трэнеру Аляксею Мяркулаву за тое, што цярпліва паставіўся да падобнай творчасці, якая папярэднічала трэніроўцы. Gomel-1Нават гледзячы на фотаздымкі зразумела, што важаць усе гэтыя «ўпрыгожанні» нямала. А калі ўлічыць, што ўбранне яшчэ і не вельмі зручнае, то складанасці ўзрасталі ўдвая. Антон Мацвеенка вельмі хваляваўся, што ў даспехах падобны на пчаляра. Але гэта не перашкодзіла яму актыўна размахваць паўтараметровым мячом. Па футболках гульцоў пасля чарговага «бою» было добра відаць, што дадатковую трэніроўку яны дакладна атрымалі. Аднак у нядзелю, прынамсі, лягчэй не будзе», — паведамляецца на афіцыйльным сайце «Гомеля».

Нагадаем, матч «Гомель» — «Дынама» (Мінск) пройдзе 14 ліпеня і пачнецца ў 17.00. Канал «Беларусь-2» арганізуе прамую трансляцыю паядынка.



Пакінуць адказ