Добрая традыцыя – віншаваць з навагоднімі святамі дзяцей, якія апынуліся ў цяжкай жыццёвай сітуацыі, – працягваецца. Падарыць часцінку цеплыні, клопату і дабра выхавальнікам Асарэвіцкага дзіцячага сацыяльнага прытулку напярэдадні Ражаства Хрыстова спяшаліся дэпутат Палаты прадстаўнікоў Нацыянальнага сходу Святлана Чэкан і старшыня раённага Савета дэпутатаў Мікалай Кавалёк.
Хлопчыкі і дзяўчынкі прымалі гасцей у зале, дзе стаіць прыгожая навагодняя ёлка. Тут жа адразу накрылі і святочны стол з гасцінцамі.
Дарэчы, многія дзеці падрыхтавалі вершы і з задавальненнем чыталі іх гасцям.
