У пятніцу ў раённым Доме культуры прайшло ўрачыстае мерапрыемства, прымеркаванае да Дня моладзі.
Без перабольшвання можна сказаць, што юнацтва і маладосць – не толькі цудоўны перыяд у жыцці кожнага чалавека, але яшчэ і асаблівы стан душы. Гэта час пошукаў, адкрыццяў і рэалізацыі самых смелых планаў. І менавіта яны – маладыя, таленавітыя, актыўныя і поўныя аптымізму – вызначаюць перспектывы развіцця нашага раёна.
Штогод свята адзначаецца ў апошнюю нядзелю чэрвеня. І напярэдадні яго кіраўніцтва райвыканкама па традыцыі ўзнагароджвае лепшых спецыялістаў – юнакоў і дзяўчат, якіх толькі ў сілу ўзросту можна прылічыць да моладзі, але па ўчынках і поглядах на жыццё гэта ўжо цалкам сфарміраваныя асобы, прафесіяналы. Сярод іх – прадстаўнікі сфер адукацыі, аховы здароўя, гандлю, сельскай гаспадаркі і інш.
Звычайна ў гэты ж дзень падводзяцца вынікі раённага спаборніцтва сярод маладых механізатараў на веснавой падрыхтоўцы глебы і сяўбе, а трактарысты-машыністы, якія сталі яго пераможцамі, атрымліваюць заслужаныя ўзнагароды.
Ганаровымі граматамі раённага
Савета дэпутатаў узнагароджаны:
- Віталь РАГАВІК – фельчар-лабарант клі-ніка-дыягнастычнай лабараторыі Камарынскай участковай бальніцы;
- Кацярына ПАЎЛЕЧКА – настаўніца хіміі і біялогіі ДУА “Брагінская СШ”;
- Наталля КАЛЯСАН – аператар машыннага даення ААТ “Малажынскі”;
- Аляксандр ДЗЕГЦЯРЭНКА – трактарыст-ма-шыніст ААТ “Брагінскі”.
Ганаровымі граматамі раённага
выканаўчага камітэта ўзнагароджаны:
- Ірына ХАДАСОК – намеснік дырэктара па выхаваўчай рабоце ДУА “Вуглоўская СШ”;
- Аксана АНОПЧАНКА – вядучы таваравед Брагінскага райспажыўтаварыства;
- Наталля БАРДУКОВА – памочнік урача-эпідэміёлага Брагінскага раённага ЦГЭ;
- Ганна БУЗАВА – інжынер па якасці ДЛГУ “Камарынскі лясгас”.
Пераможцы раённага спаборніцтва
сярод маладых механізаратаў
на веснавой падрыхтоўцы глебы і сяўбе:
Аляксандр МІШЧАНКА – І месца (ААТ “Камарынскі”);
Анатоль ШУЛЬГА – ІІ месца (ААТ “Брагінка”);
Барыс ГЕРАСІМЕНКА – ІІІ месца (ААТ “Імя Жукава”).
Жадаем новых
працоўных поспехаў!