Працоўная доблесць Брагіншчыны

Сельское хозяйство

Dozhinki-2

Пра тое, што ў Камарыне праходзяць раённыя дажынкі, можна было здагадацца нават не збочваючы з дарогі. На ўездзе ў гарпасёлак удзельнікаў свята вітала імправізаваная фігура гасціннай і вясёлай беларускі. Праз некалькі метраў – яшчэ адна. Асабліва мнагалюдна было ў цэнтры. Тут свае рады разгарнула раённае спажывецкае таварыства, побач – камбінат бытавога абслугоўвання.

Dozhinki-1

Хто цікавіўся сельскагаспадарчай тэхнікай, адразу накіроўваўся да выставы, дзе можна было ўбачыць энерганасычаныя трактары беларускай вытворчасці апошняй мадэфікацыі, прычапны інвентар. На ўзбраенні ў аграрыяй сёння выдатныя машыны, на якіх будуць працаваць маладыя механізатары. Тэхніка складаная, патрабуе спецыяльнай падрыхтоўкі і ведаў. Да слова, адкрытае акцыянернае таварыства “Брагінка” зусім нядаўна набыло ў лізінг новы апырсквальнік ОПШ-2500-18К. Апрабаваць у рабоце не паспелі, гэта і зразумела, не сезон, а вось паказаць іншым, каб паглядзелі, пазнаёміліся з тэх-налагічнай характарыстыкай і ацанілі вартасці, змаглі.

Dozhinki-4

Асноўнае дзейства адбывалася ў Камарынскім культурна-спартыўным цэнтры. Ужо ў фае ўстановы госці траплялі ў палон фарбаў, яркіх і прыгожых вырабаў, разнастайных па жанры і тэматыцы, але аднолькава цікавых. Гэта была прэлюдыя, бо найярчэйшае відовішча чакала ў спартыўнай зале, дзе гасцінна запрашалі на імправізаваныя падворкі старшыні сельвыканкамаў і работнікі размешчаных на тэрыторыі Саветаў устаноў культуры. Вось дзе можна было ўбачыць сапраўдныя шэдэўры мастацтва, асабліва вышыўкі!

Dozhinki-3

Не кожная з майстрых асмеліцца ўвасобіць на палатне іконы Прасвятой Багародзіцы і Ісуса Хрыста, а вось Валянціне Васільеўне Хмелянок і Ніне Васільеўне Кандрашэўскай (Новаіёлчанскі сельскі Савет) удалося пры дапамозе нітак перадаць не толькі прыгажосць, але і святасць вобразаў. Сапраўдным цудам можна назваць вытканыя рэчы – неад’емны атрыбут самабытнай культуры Брагіншчыны, а таксама вырабы з падручных матэрыялаў. Яны асабліва ўдаюцца культработнікам Ма-лейкаўскага і Бур-коўскага Саветаў, ды і іншых таксама.

Таленавітых людзей у нас шмат. Былі прадстаўлены падворкі раённага спажывецкага таварыства, тэрытарыяльнага цэнтра сацыяльнага абслугоўвання насельніцтва і інш. Паўсюдна гучалі песні, музыка. Самы актыўны ўдзел прынялі работнікі культуры і самадзейныя артысты, дапамаглі ў арганізацыі і афармленні падворкаў, прэзентацыі прадукцыі. Усё гэта стварала атмасферу свята. Дажынкі спрадвеку праводзілі ў народзе з размахам, весела і шумна.

Dozhinki-5

І ўсё ж асноўнае, дзеля чаго сабраліся тут, – падвесці вынікі сельскагаспадарчага года, адзначыць лепшых, выказаць вяскоўцам словы падзякі за шчырую і сумленную працу. Зрабіў гэта старшыня раённага выканаўчага камітэта Аляксандр Ятчанка. Ён падкрэсліў, што сёлета хлебаробы раёна сабралі нядрэнны ўраджай зерневых і зернебабовых. Такога на Брагіншчыне не атрымлівалі гадоў 30. Па выхадзе зерня ў разліку на бала-гектар найвышэйшы паказчык – у ААТ “Імя Жукава”.

Dozhinki-6

Аляксандр Пятровіч адзначыў, што сёлета 19 зернеўборачных экіпажаў намалацілі больш чым па тысячы тон зерня, тры – звыш дзвюх тысяч. Пераможцам стаў Міхаіл Салдаценка з ААТ “Чамярыскі” (намалаціў 3046 тон, або 2437 тон у пераразліку на ўмоўны камбайн). Высокай выпрацоўкі дабіліся чатыры камбайнеры на нарыхтоўцы кармоў, на “Ягуары-870” назапасілі больш чым па 30 тысяч тон зялёнай масы і сталі пераможцамі раённага спаборніцтва.

Кіраўнік раёна спыніўся на дасягненнях жывёлагадоўчай галіны, назваў прозвішчы лепшых працаўнікоў ферм. Ад шчырага сэрца павіншаваў прысутных з прафесійным святам – Днём работнікаў сельскай гаспадаркі і перапрацоўчай прамысловасці і пажадаў міру, здароўя і дабрабыту, упартасці і мужнасці. Вялікі дзякуй усім, хто працаваў без выхадных і адпачынку, мацаваў эканоміку гаспадарак і змагаўся за харчовую бяспеку краіны. І не толькі членам адкрытых акцыянерных таварыстваў, але і абслугоўваючых арганізацый, асобна – спецыялістам. У раёне ў сістэме АПК заняты 51 малады спецыяліст.

Аляксандр Пятровіч уручыў Ганаровыя граматы і сертыфікаты пераможцам спаборніцтва на розных відах работ (за 1-е месца). Паколькі прадстаўнікі Міністэрства сельскай гаспадаркі не змаглі прыехаць да нас на свята, Ганаровыя граматы, якія прысуджаны на рэспубліканскім узроўні, старшыня райвыканкама ўручыў дырэктарам ААТ “Брагінка” Тамары Кудан і ААТ “Камарынскі” Рыгору Анапрэенку, галоўнаму аграному ААТ “Чамярыскі” Пятру Малочку. Падзяка ад міністэрства аб’яўлена першаму намесніку старшыні райвыканкама, начальніку ўпраў-лення сельскай гаспадаркі і харчавання Сяргею Свірыдаву.

Dozhinki-7Dozhinki-8

Удзельнікаў раённага свята віншавалі і ўручалі граматы і сертыфікаты за другія і трэція месцы старшыня раённага Савета дэпутатаў Мікалай Кавалёк і старшыня райкама прафсаюза работнікаў АПК Віктар Балобан. Прозвішчы ўсіх змешчаны ў папярэднім і сённяшнім нумарах “Маяка Палесся”. Дарэчы, многія добра вядомы, бо ў ліку лепшых значацца амаль кожны год. З той толькі розніцай, што можа мяняцца прызавое месца (з першага на другое ці трэцяе або наадварот) у залежнасці ад таго, якіх паказчыкаў дасягнуў чалавек. Прафесіяналы пры любых умовах і абставінах застаюцца такімі ж. Гэта – гонар і слава Брагіншчыны, людзі асаблівага гарту. Яны заслугоўваюць найвышэйшай пахвалы.

Dozhinki-11

Цяпло сваіх сэрцаў дарылі ім у той дзень добра вядомыя брагінчанам салісты Вячаслаў Гаршкоў, Артур Джулакян, Сяргей Даўгулявец, зачароўваў ігрой на саксафоне Віталь Клімовіч. Шквалам апладысментаў сустракалі гледачы кожны канцэртны нумар народнага калектыву з Лоева. Песняй вітала ўдзельнікаў дажынак і “Камарынская весялуха”. Арганізатары мерапрыемствы пас-тараліся, каб свята атрымалася яркім, падаравала добры настрой і запомнілася.

Dozhinki-12

Чакалі яго і жыхары пасёлка над Дняпром, прыйшлі ў мясцовы цэнтр культуры і спорту, каб парадавацца за землякоў. Менавіта ААТ “Камарынскі” і яго людзі часцей за ўсё называліся ў ліку лідараў, узнімаліся на сцэну за чарговай узнагародай. Няхай трыумф гэтай гаспадаркі працягваецца, як і іншых.

Дзень 22 лістапада выдаўся цёплым для гэтай пары, таму камарынцы з задавальненнем адпачывалі разам з дзецьмі. Для маленькіх грамадзян таксама арганізавалі забавы і гульні. Можна было прысесці з сябрамі за столік і адведаць прысмакаў, якія прыгатавалі кулінары з той прадукцыі, якую вырасцілі і атрымалі працаўнікі АПК. Удачы ім і ў наступным годзе!

Ніна СІНІЛАВА

Dozhinki-9

 

СТАЛІ  ЛЕПШЫМІ

Сярод камбайнераў на нарыхтоўцы кармоў:

Міхаіл Іванавіч КАЛЯСАН, камбайнер ААТ “Малажынскі”. На “Ягуар-870” нарыхтаваў у пераразліку на зялёную масу 47 038 тон (1-е месца).

Уладзімір Аляксеевіч БОРКІН, камбайнер ААТ “Пераможнік”. На “Ягуар-870” нарыхтаваў у пераразліку на зялёную масу 42 266 тон (2-е месца).

Сяргей Аляксандравіч ЛЯВОНЕНКА, камбайнер ААТ “Імя Жукава”. На “Ягуар-870” нарыхтаваў у пераразліку на зялёную масу 37 955 тон (3-е месца).

Мікалай Аляксандравіч ДЗЕГЦЯРЭНКА, камбайнер ААТ “Брагінскі”. На камбайне “Ягуар-870” нарыхтаваў у пераразліку на зялёную масу 37 161 тону (3-е месца).

На адвозцы зялёнай масы ад камбайна:

Аляксей Віктаравіч ЦІХАНЧУК, трактарыст-машыніст ААТ “Пераможнік”. Перавёз у разліку на зялёную масу 9999 тон (1-е месца).

Сяргей Уладзіміравіч КРЫСЕНКА, трактарыст-машыніст ААТ “Імя Жукава”. Перавёз у разліку на зялёную масу 7794 тоны (2-е месца).

Сяргей Якаўлевіч ЦАЛУЙКА, трактарыст-машыніст ААТ “Малажынскі”. Перавёз у разліку на зялёную масу 6189 тон (3-е месца).

Сярод трактарыстаў-машыністаў:

Аляксандр Віктаравіч ЗАРАНІК (ААТ “Брагінскі”). На трактары “Беларус-3022” выпрацаваў 3885 га і заняў 1-е месца.

Анатоль Алімпіевіч МАТЛАШ (ААТ “Чамярыскі”). На трактары МТЗ-82 выпрацаваў 2635 га і заняў 2-е месца.
Руслан Анатольевіч НІКАЛАЕЎ (ААТ “Брагінка”). На трактары МТЗ-3522 выпрацаваў 2248 га і заняў 3-е месца.

Мікалай Віктаравіч ХІН-ЧЫНСКІ, трактарыст ААТ “Брагінаграсэрвіс”.

Алег Міхайлавіч ЛЯМІЦКІ, экскаватаршчык камунальнага дачэрняга ўнітарнага прадпрыемства меліярацыйных сістэм “Брагінскае ПМС”.

Сярод аператараў машыннага даення:

Анжэла Ільінічна ЯНЧАНКА, Вера Барысаўна ЯЗЯНОК (ААТ “Камарынскі”). Надаілі па 486,7 тоны малака і занялі 1-е месца.

Васіль Іванавіч ПІКУЛЬ (ААТ “Імя Жукава”). Надаіў 384,8 тоны малака і заняў 2-е месца.

Ганна Якаўлеўна БОГУШ, Галіна Віктараўна КІРЫЧЭНКА (ААТ “Малажынскі”). Надаілі па 329,4 тоны малака і занялі 3-е месца.

Сярод жывёлаводаў:

Надзея Міхайлаўна КРАЎЧАНКА (ААТ “Чамярыскі”). Атрымала сярэднясутачныя прывагі па 857 грамаў і заняла 1-е месца.

Таццяна Іванаўна ЯШЧАНКА (ААТ “Камарынскі”). Атрымала сярэднясутачныя прывагі па 702 грамы і заняла 2-е месца.

Валянціна Дзям’янаўна БОРКІНА (ААТ “Пераможнік”). Атрымала сярэднясутачныя пры-вагі па 697 грамаў і заняла 3-е месца.

Сярод спецыялістаў:

Валянцін Міхайлавіч БАНДАРЭНКА, галоўны заатэхнік ААТ “Камарынскі”.

Сяргей Пятровіч МІХАЛЕНКА, галоўны аграном ААТ “Імя Жукава”.

Святлана Рыгораўна ШАЎ-ЧЭНКА, галоўны эканаміст ААТ “Чамярыскі”.

Дзяніс Аляксандравіч АСТАПЕНКА, галоўны бухгалтар ААТ “Імя Жукава”.

Уладзімір Васільевіч СВІ-РЫДЗЕНКА, галоўны інжынер ААТ “Брагінскі”.

Яўген Валер’евіч СУДАЛЕНКА, галоўны ветурач ААТ “Чамярыскі”.

Ірына Аляксандраўна ІОТЧАНКА, ветэрынарны ўрач установы “Ветэрынарная станцыя”.

Мікалай Мікалаевіч МУЛЯР, загадчык рамонтнай майстэрні ААТ “Малажынскі” (в. Дублін);

Васіль Васільевіч ЧАРНЯНОК, брыгадзір Асарэвіцкай МТФ ААТ “Камарынскі”.

Святлана Міхайлаўна БАРАН, асемянатар Асарэвіцкай МТФ ААТ “Камарынскі”.

Наталля Уладзіміраўна КІРЧУК, начальнік аддзела кадраў ААТ “Брагінка”.



Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *