Фестываль “Зорная карусель” прайшоў у Брагіне ў адзінаццаты раз

Грамадства

Ён і на гэты раз сабраў самых таленавітых дзяцей з розных куточкаў Гомельшчыны.

Karusel-1

Сёлета ў творчым марафоне, арганізатарам якога з’яўляецца аддзел ідэалагічнай работы, культуры і па справах моладзі райвыканкама, прынялі ўдзел 11 калектываў. Чым толькі ні здзіўлялі юныя артысты брагінчан, што сабраліся 28 сакавіка ў РДК: запальнымі танцамі, песнямі, тэатральнымі пастаноўкамі. Цудоўна дапаўнялі вобразы канкурсантаў іх яркія сцэнічныя касцюмы.

Канцэртная праграма прайшла на высокім эмацыянальным і творчым узроўні. Дзеці сваім артыстызмам і непасрэднасцю змаглі пакарыць і гледачоў, і членаў журы. Прычым перад апошнімі стаяла няпростая задача – ацаніць рэпертуар удзельнікаў, якасць выканання, дыкцыю, арыгінальнасць. Не дзіўна, што яны раіліся паўтары гадзіны. Увесь гэты час, дарэчы, супрацоўнікі Дома культуры займалі канкурсантаў рознымі гульнямі.

Karusel-2Karusel-3Karusel-4Karusel-5Karusel-6Karusel-7Karusel-8Karusel-9Karusel-10Karusel-11Karusel-12Karusel-13Karusel-14Karusel-15Karusel-16Karusel-17Karusel-18Karusel-19Karusel-20Фестываль складаўся з некалькіх намінацый, пераможцамі ў якіх сталі:

• “Канферансье” – Маргарыта Яравая і Уладзімір Рыдкін з цэнтра творчасці дзяцей і моладзі Савецкага раёна г. Гомеля;

• “Сучасная эстрадная песня” – Ангеліна Рафальская з цэнтра творчасці дзяцей і моладзі Савецкага раёна г. Гомеля;

• “Сучасная эстрадная песня” (вакальная група) – хор “Рамонка” з Красненскай дзіцячай школы мастацтваў (Гомельскі раён);

• “Сучасны эстрадны танец” – дзіцячы ўзорны ансамбль “Чапурушачка” з Красненскай дзіцячай школы мастацтваў (Гомельскі раён);

• “Народны танец” – харэаграфічны калектыў “Надзея” з Брагінскай дзіцячай школы мастацтваў.

Гран-пры фэстываля – Залаты ключык – накіраваўся ў Новую Гуту. Конкурсная праграма дзіцячай школы мастацтваў з гэтага населенага пункта ўжо не першы раз адзначаецца як найлепшая.

Karusel-22Karusel-23Karusel-24

Прыемна, што прадстаўнікі нашага раёна таксама ўвайшлі ў лік прызёраў – занялі другія месцы. Гэта Ангеліна Лысянок (у намінацыі “Канферансье”) і харэаграфічны калектыў “Надзея” (“Сучасны эстрадны танец”). Юныя артысты прадстаўлялі Брагінскую ДШМ.

Дарэчы, сёлета ў фестывалі ўпершыню прынялі ўдзел выхаванцы дашкольных устаноў Брагіна, якія зачаравалі гледачоў хараством і вытанчанасцю рухаў.

На другім паверсе РДК тым часам праходзіла выстава дэкаратыўна-прыкладнога мастацтва, удзельнікі якой таксама спаборнічалі паміж сабой. Тут першае месца заняў цэнтр творчасці дзяцей і моладзі Савецкага раёна г. Гомеля, другое – Мікуліцкі сельскі клуб, трэцяе – Брагінскі цэнтр творчасці дзяцей і моладзі.



Добавить комментарий

Ваш e-mail не будет опубликован. Обязательные поля помечены *