У раёне прайшоў інфармацыйны семінар

Общество

Seminar_1

23 верасня ў раёне прайшоў інфармацыйны семінар на тэму: павышэнне ўзроўню радыелагічнай культуры на тэрыторыях, пацярпелых ад катастрофы на Чарнобыльскай АЭС. Яго арганізатарамі сталі РНДУП “Інстытут радыялогіі” і аддзел адукацыі, спорту і турызму райвыканкама.

 

На семінар былі запрошаны ўдзельнікі другога міжнароднага трэнінг-курсу “Пост-аварыйная гатоўнасць і ўпраўленне сітуацыяй у аддалены перыяд пасля ядзернай аварыі”, які праводзіўся ў Інстытуце радыялогіі. У нашым раёне прадстанікі Японіі, Францыі, Нарвегіі і іншых краін першым чынам завіталі ў Брагінскі гістарычны музей з карціннай галерэяй. Тут іх сустрэў старшыня райвыканкама Аляксандр Кохан, які пазнаёміў гасцей з некаторымі этапамі развіцця нашага краю. Экскурсію па музею правяла дырэктар Алеся Даўгулявец.

Seminar_2
Галоўны ж этап семінара праходзіў на базе Камарынскай СШ і Новаіёлчанскай амбулаторыі ўрача агульнай практыкі, дзе дзейнічаюць цэнтры практычнай радыелагічнай культуры. Тут размова ішла аб інфармацыйнай рабоце з насельніцтвам пацярпелых ад аварыі на ЧАЭС тэрыторый, радыяцыйным становішчы ў лясах Брагінскага раёна, выніках радыяцыйнага кантролю харчовай прадукцыі, у тым ліку з асабістых падсобных гаспадарак.

Seminar_3
Сярод удзельнікаў семінара былі таксама прадстаўнікі сельсаветаў, раённага цэнтра гігіены і эпідэміялогіі, настаўнікі і вучні. Міжнародныя эксперты падзяліліся з імі вопытам правядзення мерапрыемстваў па радыеэкалагічнай адукацыі, абмеркавалі асноўныя накірункі дзейнасці цэнтраў практычнай радыелагічнай культуры.

Вольга ПАЛЯШЧУК
Фота аўтара



Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *