У раённым доме культуры прайшла дабрачынная акцыя “Нашы дзеці”

Общество

Ужо 20 год  напярэдадні самых любімых зімовых святаў яна дорыць хлопчыкам і дзяўчынкам сапраўдную казку і шмат станоўчых эмоцый.

Elka_1

Найперш усіх прысутных у зале павіншаваў са святам начальнік аддзела адукацыі, спорту і турызму райвыканкама Аляксандр Калясан, які пажадаў маленькім жыхарам раёна добрага настрою, поспехаў у вучобе і здзяйснення ўсіх мар. Затым пачаўся навагодні спектакль “Дзед Мароз і касмічныя разбойнікі”. Яго ўвазе гледачоў прапанавалі супрацоўнікі і юныя артысты раённага дома культуры.

Elka_2Elka_3Elka_4

Спачатку дзеці з цікавасцю назіралі за падарожжам па Галактыцы Мішы і Машы, якія прыйшлі на дапамогу Снягурцы ў пошуках Дзеда Мароза. А потым і самі сталі ўдзельнікамі навагодніх прыгод каля ёлкі. Забаўляльная праграма, падрыхтаваная калектывам Брагінскага цэнтра творчасці дзяцей і моладзі, прывяла хлопчыкаў і дзяўчынак у захапленне. Яны танцавалі, вадзілі карагоды і імкнуліся перамагчы ў разнастайных конкурсах і гульнях. Без падарункаў, вядома, не застаўся ніхто.

Elka_5Elka_6Elka_7Elka_8Elka_9Elka_11

У той жа дзень прайшоў заключны этап акцыі “Бяспечны Новы год”, падчас якой інспектар групы прапаганды і навучання РАНС Ірына Чарняўская нагадала школьнікам аб асноўных правілах пажарнай бяспекі ў святочны перыяд і раздала ўсім тэматычныя лістоўкі.

Elka_10Elka_12



Пакінуць адказ