Менавіта так называлі дзеці прадстаўнікоў мотаруху з Брагіна, Лоева і Хойнік. Па словах жа саміх аматараў паганяць з вецярком, ідэя наведаць дзяцей з прытулку ўзнікла ў іх выпадкова: проста вырашылі падарыць хлопчыкам і дзяўчынкам, якія пазбаўлены бацькоўскай апекі і сямейнага цяпла, адзін радасны дзень. І, трэба адзначыць, што гэта ім удалося на ўсе сто працэнтаў.
Дзіцячаму шчасцю не было межаў, калі выхаванцам дазволілі пасядзець на жалезных канях. Можна было таксама прымераць шлемы ды ўяўвіць сябе ў ролі сапраўдных гоншчыкаў. Выклікала ва ўсіх буру захаплення і магчымасць пакатацца на крутых матацыклах – ад жадаючых проста не было адбою. Прычым эмоцыі захліснулі не толькі дзяцей, але і іх выхавальнікаў: радасныя вочы малечы самая галоўная ўзнагарода для дарослых.
Напрыканцы сустрэчы госці раздалі хлопчыкам і дзяўчынкам салодкія падарункі і канцылярскія прыналежнасці, а таксама паабяцалі, што завітаюць да сваіх маленькіх сяброў яшчэ не раз.
