19 студзеня ўсе вернікі адзначалі Вадохрышча Гасподне, адно са старажытных святаў хрысціян. А нашы продкі з даўна лічылі, што купанне ў вадохрышчанскай вадзе, пазбаўляе ад шматлікіх хвароб.
Учора брагінчане і госці раёна таксама змаглі далучыцца да праваслаўнай традыцыі. На рацэ Брагінцы супрацоўнікі раённага аддзела па надзвычайных сітуацыях зрабілі спецыяльную палонку ў выглядзе крыжа. А пасля асвячэння вады настаяцелем храма Свяціцеля Мікалая Цудатворцы айцом Ігарам кожны ахвотнік мог у яе акунуцца. Многія рабілі гэта сапраўды з-за веры ў Бога, а хтосьці проста для экстрыму.
Ахову правапарадку каля купелі забяспечвалі супрацоўнікі раённага аддзела ўнутраных спраў. Тут жа неслі дзяжурства медыкі і выратавальнікі, гарачы чай прапаноўвалі работнікі райспажыўтаварыства.