Вялікая Айчынная вайна паступова адыходзіць у мінулае, становіцца старонкай гісторыі, але ўдзячная памяць нашчадкаў не згасае.
Штогод 9 мая каля брацкай магілы загінуўшых у баях за вызваленне нашай радзімы збіраюцца жыхары і госці райцэнтра, каб сказаць словы падзякі і тым, хто прыняў першы бой раніцай 22 чэрвеня 1941-га каля сцен Брэсцкай крэпасці, і тым, хто, прайшоў праз усю вайну…
І сёння тут гучалі ўрачыстыя прамовы і віншаванні ад кіраўніцтва раёна, ветэранаў, моладзі. Памяць аб людзях, якія аддалі сваё жыццё ў барацьбе за мір, прысутныя ўшанавалі хвілінай маўчання. Да брацкай магілы леглі вянкі і кветкі.
Працягнуліся святочныя мерапрыемствы на стадыёне.
