Класік беларускай літаратуры нарадзіўся ў 1882 годзе ў фальварку Вязынка пад Мінскам. Яго першы верш на беларускай мове «Мужык» быў надрукаваны 15 мая 1905 года ў газеце «Северо-Западный край».
З таго часу Янка Купала напісаў безліч вершаў, некалькі паэмаў і драматычных твораў. Разам з Якубам Коласам паэт лічыцца стваральнікам беларускай літаратурнай мовы. Творчасць Купалы прызнаецца за летапіс жыцця беларускага народа.
