Моладзь Брагіншчыны дапамагла сабраць партфелі для першакласніц са шматдзетных сем’яў

Общество

Ranec_001

У рамках акцыі “У школу з “Добрым сэрцам”, якую праводзіў РК ГА “БРСМ”, партфелі з наборам канцылярскіх прыналежнасцяў атрымалі дзяўчынкі, якія выхоўваюцца ў шматдзетных сем’ях.

Сшыткі, ручкі, пластылін, фарбы, алоўкі, альбомы для малявання, каляровая папера – здавалася б, не такія ўжо і дарагія рэчы. Але калі бацькі выхоўваюць не адно дзіця, то набыць адразу ўсё неабходнае досыць праблематычна. Каб падтрымаць такія сем’і, і была арганізавана акцыя “У школу з “Добрым сэрцам”.

З прыемнай місіяй – уручыць такія патрэбныя сёння падарункі – в.а. першага сакратара РК ГА “БРСМ” Юлія Сапега завітала ў госці да першакласніц Мілены Паўленка са Шкуратоў і Міланы Буйневіч з Таклінова. Набыць для дзяўчынак рукзакі і іншыя школьныя рэчы дапамаглі члены пярвічных арганізацый БРСМ раённага аддзела па надзвычайных сітуацыях, раённага дома культуры, пагранічнай службы, ДЛГУ “Камарынскі лясгас”.

Ranec_002

Па словах лідара саюза моладзі, дабрачынная акцыя праводзіцца ўжо не першы год і мае толькі станоўчыя водгукі. Дзеці – наша будучае, таму вельмі хочацца, каб іх школьнае жыццё было цікавым, паспяховым, з новымі адкрыццямі і выдатнымі адзнакамі.



Добавить комментарий

Ваш e-mail не будет опубликован. Обязательные поля помечены *