Гэта свята, якое прыходзіць да нас у першы дзень лета, калі ў блакітным небе свеціць яркае сонейка, спяваюць на ўсе лады птушкі, прырода напаўняецца яркімі фарбамі і водарам кветак. А дадаюць пазітыву і весялосці разнастайныя конкурсы, гульні і забавы, якія арганізуюць для хлопчыкаў і дзяўчынак дарослыя.
Далучылася да святкавання Міжнароднага дня абароны дзяцей і раённая арганізацыя ГА “БРСМ”. Як расказала першы сакратар райкама саюза моладзі Юлія Сапега, 1 чэрвеня актывісты аб’яднання правялі акцыю па вырабе бутаньерак, прысвечаную Году малой радзімы. У гэты ж дзень адбылося ўрачыстае адкрыццё чарговага працоўнага семестра.
