У Мінсувязі расказалі, калі беларусам пачнуць выдаваць ID-карткі

Общество Официально

Першы намеснік міністра сувязі і інфарматызацыі Дзмітрый Шадко расказаў у эфіры тэлеканала СТБ, калі беларусам пачнуць выдаваць ID-карткі.

“Мы разлічваем, што ўсе работы будуць выкананы ў 2019 годзе і мы зможам пачаць выдаваць першыя электронныя карткі. Безумоўна, гэта будзе рабіцца на падставе заявы чалавека”, – адзначыў Дзмітрый Шадко.

Атрымаць ID-картку можна, калі завяршаецца тэрмін дзеяння пашпарта і трэба атрымаць новы. Іншы варыянт – калі чалавек хоча атрымаць больш зручны электронны пашпарт замест папяровага.

“Тэхнічна выпусціць і выдаць кожнаму чалавеку гэту картку – даволі сур’ёзныя арганізацыйныя намаганні. І яны, зразумела, адбудуцца не за дзень і не за два”, – растлумачыў першы намеснік міністра.

ID-картка будзе носьбітам электроннага лічбавага подпісу. Паводле слоў Дзмітрыя Шадко, гэта дасць карыстальнікам ключ да вялікай колькасці розных лічбавых магчымасцей.

БелТА



Пакінуць адказ