Міністэрства аховы здароўя змяніла графік работы ўстаноў аховы здароўя ў выхадныя і святочныя дні ў маі, паведамляе БелТА са спасылкай на прэс-службу міністэрства.
Бальнічныя арганізацыі 1, 7, 9 мая будуць працаваць па графіку святочнага дня, 4, 11 мая — суботнім графіку, 5 мая — выхаднога дня, 6, 8, 10 мая — рабочага дня.
Работа амбулаторна-паліклінічных, санітарна-эпідэміялагічных арганізацый, арганізацый пералівання крыві, медтэхнікі, аптэк 1, 7, 9 мая будзе арганізавана па графіку святочнага дня, 4, 10, 11 мая — рабочага дня, 5 мая — выхаднога дня, 6, 8 мая — суботнім графіку.
На святочных мерапрыемствах будуць дзяжурыць медыкі. Службы хуткай медыцынскай дапамогі перавядуць у рэжым павышанай гатоўнасці.
