Лісты з падзякай і падарункі ўручаны хлебаробам-тысячнікам з ААТ “Чамярыскі”

Главное Сельское хозяйство

Віншаванні прымае Вячаслаў Салдаценка

Дзякуючы працавітасці, адказнасці і прафесіяналізму можна дасягнуць поспеху ў любой справе. Гэтымі якасцямі спаўна валодаюць хлебаробы ААТ “Чамярыскі”, таму не дзіўна, што ў гаспадарцы з’явіліся чарговыя тысячнікі. Запаветныя 1000 тон зерня новага ўраджаю тут намалацілі экіпажы Віктара і Міхаіла Салдаценкаў, а таксама Вячаслава і Ігара Салдаценкаў. У ліку вадзіцеляў, якія перасягнулі гэтую мяжу падчас перавозкі збожжа, – Рыгор Малочка, Канстанцін Алішэўскі і Пётр Пінчук.

З пажаданнямі моцнага здароўя, добрага надвор’я і поспехаў у нялёгкай хлебаробнай працы да ўдзельнікаў жніва завіталі галоўны спецыяліст аддзела ідэалагічнай работы, культуры і па справах моладзі райвыканкама Дзмітрый Тамко, галоўны спецыяліст упраўлення сельскай гаспадаркі і харчавання Ала Гардзейчык і старшыня раённага аб’яднання прафсаюзаў Раман Цеслянок.

Госці ўручылі героям жніва лісты з падзякай ад раённага выканаўчага камітэта і раённага аб’яднання прафсаюзаў, а таксама падарункі, якія тыя, безумоўна, заслужылі. Да таго ж, не сакрэт, што заахвочванне лепшых работнікаў з’яўляецца добрым стымулам для іх далейшай плённай працы.



Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *