На мінулым тыдні ў Лубеніках прыём грамадзян правёў намеснік старшыні райвыканкама Юрый Лук’яненка.
Сустрэча адбылася ў мясцовым лясніцтве, куды таксама завітала старшыня Вуглоўскага сельскага Савета Святлана Протчанка. Размова, вядома, вялася аб надзённых для вяскоўцаў пытаннях. Абмеркавалі стан дарожнага пакрыцця, вулічнага асвятлення, водаправода і інш.
Пазнаёміўся Юрый Анатольевіч і з маладым спецыялістам, які сёлета ўліўся ў калектыў Лубеніцкага лясніцтва, пацікавіўся ўмовамі працы, ці ўсім задаволены. Намеснік старшыні райвыканкама таксама адзначыў, што вялікія надзеі па развіцці Брагіншчыны сёння ўскладаюцца менавіта на моладзь.