На Брагіншчыне поўным ходам ідзе пажарна-прафілактычная акцыя “За бяспеку – разам”.
Работнікі раённага аддзела па надзвычайных сітуацыях разам з прадстаўнікамі іншых структур наведваюць дамы і кватэры, у якіх пражываюць адзінокія грамадзяне, інваліды і сем’і з дзецьмі. Заходзяць і да асоб, якія злоўжываюць спіртнымі напоямі.
Гаспадары атрымліваюць рэкамендацыі, як ухіліць тыя ці іншыя недахопы, што ўплываюць на ўзровень пажарнай бяспекі. Асаблівая ўвага звяртаецца на стан пячнога ацяплення і наяўнасць пажарных апавяшчальнікаў.
Нагадваюць выратавальнікі аб жыццёва важных правілах і падчас сустрэч з працоўнымі калектывамі. Праводзіцца маніторынг супрацьпажарнага водазабеспячэння.
Прафілактычная работа ў рамках акцыі прадоўжыцца да першага лістапада.
Падрыхтавала Валянціна БЕЛЬЧАНКА