Дарагія вучні! Паважаныя работнікі ўстаноў адукацыі раёна!
Прыміце шчырыя віншаванні з Днём ведаў
і пачаткам новага навучальнага года!
1 верасня асаблівае свята – добрае, светлае, аптымістычнае. З яго пачынаецца дарога ў цудоўны свет, які дорыць радасць пазнання і бескарыслівай дружбы.
Адукацыя – той надзейны фундамент, на якім будуецца дабрабыт дзяржавы. Задача школы – не толькі ўзброіць навучэнцаў сучаснымі дасягненнямі навукі і культуры, але і выхаваць іх грамадзянамі сваёй Айчыны. Глыбокія веды неабходна спалучаць з актыўнай жыццёвай пазіцыяй, абапіраючыся на сапраўдныя каштоўнасці.
Мы выказваем сардэчную ўдзячнасць усім работнікам адукацыі за штодзённую нястомную працу, прафесійнасць, чуласць і душэўную цеплыню, якую яны шчодра дораць сваім вучням. Упэўнены, што новы навучальны год стане для ўсіх, хто сядзе за школьныя парты, часам вялікіх поспехаў і перамог!
Ад усёй душы жадаем школьнікам працалюбства, дапытлівасці, розуму. Педагогам – творчага гарэння, пастаяннага пошуку, дасягненняў. А бацькам – гонару за сваіх дзяцей.
З Днём ведаў, сябры! У добры шлях!
Аляксандр КОХАН,
старшыня Брагінскага раённага выканаўчага камітэта
Аляксандр КАЛЯСАН,
старшыня Брагінскага раённага Савета дэпутатаў