Усебеларускі народны сход – важны механізм прамой дэмакратыі

Официально Усебеларускі народны сход

Усебеларускі народны сход – важны механізм прамой дэмакратыі. Такое меркаванне ў эфіры праграмы «Тыдзень» на канале СТБ выказаў рэктар Акадэміі кіравання пры Прэзідэнце Вячаслаў Даніловіч.

«Усебеларускі народны сход — важны механізм прамой народнай дэмакратыі, якая ідзе ў традыцыі веча, талакі, калі разам вырашалі нейкія сур’ёзныя праблемы», — сказаў Вячаслаў Даніловіч.

Паводле яго слоў, краіна сёння знаходзіцца ў вельмі складанай геапалітычнай сітуацыі.

«Супраць Беларусі фактычна разгорнута гібрыдная вайна, і тым не менш у гэтых умовах мы праводзім Усебеларускі сход, які павінен дапамагчы нам зафіксаваць асноўныя моманты нашай дзяржаўнасці, ад якой мы не можам адступіць. Вызначыць, як нам процістаяць сучасным выклікам, калі фактычна звонку спрабуюць раскалоць беларускае грамадства, падзяліць нашу краіну. Гэтага мы не павінны дапусціць, і ў гэтай абстаноўцы вельмі важна параіцца з народам, атрымаць падтрымку для таго, каб спакойна і ўпэўнена рухацца далей, нягледзячы ні на якія перашкоды, што спрабуюць стварыць для рэспублікі і нашага народа знешнія сілы», — падкрэсліў рэктар.

Ён таксама адзначыў, што Беларусь заўсёды знаходзілася на геапалітычным скрыжаванні.

«Тысячагоддзямі праз нашы землі пракатваліся нашэсці як з захаду, так і з усходу. Мы павінны памятаць, што нягледзячы на гады вельмі цяжкай ваеннай гісторыі, наш народ, нашы продкі выстаялі, захавалі гэту тэрыторыю і адстаялі сваё права самастойна вырашаць, як жыць і развівацца. Гэта суверэннае права самім вызначаць сваю будучыню, яно выпакутавана крывёй беларусаў, і мы павінны яго вельмі моцна шанаваць», — канстатаваў Вячаслаў Даніловіч.

БелТА

 



Добавить комментарий

Ваш e-mail не будет опубликован. Обязательные поля помечены *