Многія праваслаўныя вернікі ўпэўнены, што купанне ў палонцы на Вадохрышча ачышчае ад грахоў і вылечвае хваробы. Між тым ныраць і доўга знаходзіцца ў ледзяной вадзе зусім не абавязкова. Досыць тройчы акунуцца з галавой, а перад уваходам у палонку тры разы перахрысціцца.
Абрад Вадохрышча пройдзе:
• у Брагіне – на беразе Брагінкі (каля райцэнтра);
• у Камарыне – на беразе Дняпра.
З 12.00 да 19.00 каля палонак будуць дзяжурыць выратавальныя атрады, медыкі, міліцыя. Брагiнскi фiлiял Гомельскага абласнога спажывецкага таварыства плануе арганізаваць продаж гарачых напояў (чаю і кавы).