Адбылася прэс-канферэнцыя «Кніжныя навінкі ад выдавецтва «Мастацкая літаратура», выпушчаныя да 100-годдзя Івана Мележа»

Год малой родины Год народнага адзінства Літаратурная гасцёўня Общество

Удзел прынялі:

  • Бадак Аляксандр Мікалаевіч — дырэктар выдавецтва «Мастацкая літаратура»;
  • Шніп Віктар Анатольевіч — галоўны рэдактар выдавецтва «Мастацкая літаратура»;
  • Мікола Мятліцкі — паэт, лаўрэат Дзяржаўнай прэміі Рэспублікі Беларусь, укладальнік кнігі «Іван Мележ. Пясняр Палесся «;
  • Дайліды Міхаіл Юр’евіч — загадчык рэдакцыі мастацкага афармлення выдавецтва «Мастацкая літаратура».

Сённяшняя прэс-канферэнцыя працягнула цыкл мерапрыемстваў, прымеркаваных да правядзення XXVIII Мінскай міжнароднай кніжнай выставе-кірмашы, якая традыцыйна праводзіцца ў лютым і адкрывае міжнародны каляндар кніжных выстаў. У гэтым годзе яна пройдзе з 18 па 21 лютага 2021 г. ў Адміністрацыйным комплексе па праспекце Пераможцаў, 14. Уваход — бясплатны. Выстава мае важнае практычнае значэнне для яе ўдзельнікаў і наведвальнікаў, адыгрывае істотную ролю ва ўмацаванні ўзаемавыгадных міжнародных сувязяў у галіне кнігавыдання і кнігараспаўсюджвання.

Дэвіз выставы — «Кніга аб’ядноўвае людзей і краіны» .

Вельмі сімвалічна, што напярэдадні святкавання 100-гадовага юбілею Івана Паўлавіча Мележа, які адзначаюць у дзень нараджэння пісьменніка 8 лютага, у Прэс-цэнтры сабраліся прадстаўнікі творчай інтэлігенцыі нашай краіны і прэзентавалі новае выданне пра жыццё вялікага беларускага пісьменніка — кнігу «Іван Мележ. Пясняр Палесся».  Выданне папоўніла серыю «Жыццё знакамітых людзей Беларусі».

У беларускай літаратуры ёсць асобы, якія ва ўсе часы прыцягваюць да сябе ўвагу і даследчыкаў, і чытачоў. На іх творах вучацца пачаткоўцы літаратары, іх жыццё служыць матэрыялам для мастацкіх твораў і навуковых прац. Такой асобай з’яўляецца Іван Паўлавіч Мележ. Ён меў тых каштоўнымі якасцямі, без якіх няма сапраўднага мастака — цудоўным веданнем жыцця, людзей і мовы свайго народа, пільна назіральнасцю.

Алесь Бадак лічыць, што Іван Мележ адкрыў абсалютна іншыя галіне беларускай літаратуры, а новым пакаленням чытачоў мы павінны больш расказваць пра раман «Людзі на балоце», які для больш старэйшых пакаленняў з’яўляецца мастацкай Бібліяй.

Аляксандр Мікалаевіч глыбока перакананы, што кнігі і серыі, падобныя гэтым, вельмі значныя для нас і нашых наступнікаў, і з гадамі гэтая каштоўнасць будзе толькі ўзрастаць. Засталося вельмі мала людзей, якія асабіста ведалі Івана Паўлавіча. Таму вельмі важна фіксаваць ўспаміны, якія кажуць не толькі пра маштаб асобы героя, але і пра літаратуру, і пра беларускі народ у цэлым. Па словах Аляксандра Бадака, такія выданні павінны быць у школах, універсітэтах, бібліятэках, таму што гэта не толькі біяграфія канкрэтнага аўтара, гэта адлюстраванне гісторыі нашай краіны.

Падрабязнасці ў відэа

 



Добавить комментарий

Ваш e-mail не будет опубликован. Обязательные поля помечены *