27 сакавіка пройдзе абласны суботнік. Грашовыя сродкі будуць накіраваны на рэканструкцыю “Партызанскай крынічкі”

Год народнага адзінства К 75-летию Великой Победы Наша гісторыя Общество

27 сакавіка пройдзе абласны суботнік. Грашовыя сродкі, заробленыя на ім, будуць пералічаны на рэканструкцыю мемарыяльнага комплексу “Партызанская крынічка”, што знаходзіцца ў лесе каля Гомеля.

У гады Вялікай Айчыннай вайны тут дыслацыраваўся легендарны партызанскі атрад “Бальшавік”, арганізаваны ў жніўні 1941 года. На-пярэдадні 80-годдзя з дня яго заснавання прынята рашэнне не толькі адрамантаваць мемарыял – стэлу і архітэктурную кампазіцыю ў выглядзе зоркі, але і прывесці ў парадак тэрыторыю навокал. З’явяцца і новыя аб’екты, якія дапоўняць комплекс, больш яскрава раскажуць аб падзеях 40-х.

На гэтым знакавым для беларусаў месцы часта праводзяцца патрыятычныя мерапрыемствы, падчас якіх узгадваюцца подзвігі адважных суайчыннікаў. І зараз, калі “Партызанская крынічка” патрабуе рэканструкцыі, важна, каб кожны жыхар вобласці ўнёс свой уклад у справу.

Упэўнены, што ўсе, каму неабыякава памяць аб героях-вызваліцелях роднай зямлі ад ворага, далучацца ў гэтую суботу да работ па навядзенні парадку. Тым больш што на дварэ – вясна, а на календары – Год народнага адзінства. Калі, як не зараз, нам патрэбна аб’яднацца дзеля дасягнення агульнай мэты.



Добавить комментарий

Ваш e-mail не будет опубликован. Обязательные поля помечены *