Паважаныя жыхары Брагінскага раёна!
Віншуем вас са значным дзяржаўным святам – Днём народнага адзінства!
Паважаючы айчынную гісторыю, мы адзначаем гэта свята як знак нацыянальнай згоды і згуртаванасці грамадства, аддаём даніну памяці гераічнаму мінуламу нашай краіны і яе абаронцам.
Адзінства і патрыятызм для беларусаў заўсёды былі самай надзейнай апорай і ў гады цяжкіх выпрабаванняў, і пры рашэнні маштабных задач развіцця. І сёння ад нашай грамадзянскай салідарнасці залежыць будучыня краіны, дабрабыт грамадства. Бо толькі разам, аб’яднаўшы намаганні, можна пераадолець любыя цяжкасці.
Наперадзе ў нас нямала славутых спраў і важных задач. Адзіны шлях да дасягнення пастаўленых мэт – плённая і добрасумленная праца, узаемапавага, здольнасць ра-зумець і падтрымліваць адзін аднаго. Упэўнены, што згуртаванасць і адзінства дапамогуць нам у гэтым.
Дарагія землякі! У гэты святочны дзень шчыра жадаем вам здароўя, шчасця, усеагульнай згоды і дабрабыту. Няхай растуць пад мірным небам нашы дзеці і ўнукі, няхай кожны дзень азарае добрымі надзеямі і новымі дасягненнямі.
Аляксандр КОХАН,
старшыня раённага выканаўчага камітэта
Аляксандр КАЛЯСАН,
старшыня раённага Савета дэпутатаў
