Дарагія жанчыны Брагіншчыны!
Прыміце шчырыя і сардэчныя віншаванні
з самым цёплым святам – Днём маці!
Узнёслыя адносіны да маці заўсёды былі і застаюцца характэрнай рысай беларускага народа. Мы ганарымся жанчынамі Брагіншчыны, якія актыўна ўдзельнічаюць у грамадскім жыцці, дабіваюцца поспехаў у працы і пры гэтым застаюцца пяшчотнымі, клапатлівымі жонкамі і маці.
Прыміце, дарагія жанчыны, шчырую падзяку за тое, што добрасумленна выконваеце свой мацярынскі абавязак, не шкадуеце сябе ў нястомных клопатах аб дзецях, унуках і праўнуках. Дзякуй за вашу дабрыню і мудрасць, за сардэчнасць! Нізкі паклон сем’ям, якія выхоўваюць прыёмных дзяцей і даюць ім усё неабходнае для выхавання і развіцця, станаўлення як асобы.
Дарагія жанчыны-мамы, бабулі і прабабулі! Жадаем вам моцнага здароўя. Няхай кожнай з вас часцей кажуць цёплыя словы вашы любімыя дзеці, унукі і праўнукі. Няхай у вашых дамах заўсёды пануюць згода і парадак, спакой і дабрабыт!
Аляксандр КОХАН,
старшыня Брагінскага раённага выканаўчага камітэта
Аляксандр КАЛЯСАН,
старшыня Брагінскага раённага Савета дэпутатаў