ДАІ настойліва рэкамендуе вадзіцелям і пешаходам улічваць умовы надвор’я.
Нягледзячы на мяккае і цёплае надвор’е ў кастрычніку восень паступова ўстанаўлівае свае традыцыйныя ўмовы надвор’я: туманы, дажджы і першыя замаразкі, скарачэнне светлавога дня. У бліжэйшыя дні сіноптыкі прагназуюць ваганні тэмпературы ад плюсавых да мінусавых значэнняў.
Дзяржаўтаінспекцыя заклікае вадзіцеляў выбіраць стрыманы стыль ваджэння і бяспечную скорасць, улічваць стан праезнай часткі і бачнасць, захоўваць бяспечную дыстанцыю і бакавы інтэрвал, пазбягаць непатрэбных перастраенняў, апярэджанняў і абгонаў.
«Будзьце ўважлівымі пры праездзе пешаходных пераходаў, забяспечце бяспечную перавозку дзяцей з выкарыстаннем спецыяльных утрымліваючых устройстваў. Памятайце, што ў аўтамабілі ўсе пасажыры павінны быць прышпіленымі», — расказалі ў ДАІ.
Пешаходам неабходна разумець, што на слізкай дарозе ў разы павялічваецца тармазны шлях любога транспартнага сродку. Пры прымяненні экстраннага тармажэння аўтамабіль можа трапіць у некіруемы занос. Пешаходам не варта рызыкаваць уласнай бяспекай.
Неабходна пераходзіць дарогу толькі ва ўстаноўленых месцах, пераканаўшыся, што ўсе аўтамабілі паспелі спыніцца. Неабходна забяспечыць сваю бачнасць, выкарыстоўваючы яркія часткі адзення і святловяртальныя элементы.
